خلفَ كَواليس الثورة
الـريس....
قعدت على أعلى كرسي فيك يابلدي غصبن عنهم وقلت والله منا مفارق مكاني
قالوا لي ناس من شعبي انت ليه بتحلف دي بكره هتسيبك وجيب واحد تاني
قلت ليه محناش قد المقام ولا ايه
قالوا لو بالمقام كان قعد فيها كتيير........ قبلك يالي اسمك ايه
قلت هتولي الدستور وانا هحكم شعبي بحكم القانون
انا عارف ان الشعب دا شعب طيب وغلبان هخدهم على قد عقولهم وشوية كلام في المضمون
حقولهم مثلا
هعمل ومش هعمل هبني ومش هبني يعني حاجه كدا اسمها .. وعوووود
ولو فكروا يعمولوا مظاهرة هطلع قانون اسمه قانون الطوارئ وهتعامل معاهم بطريقة كداااااا اسمها برووووود
رفع واحد من الوزراء ايده قالو ياريس ينفع اقول رأي ولا الكلام ممنوع
قالوه الريس قول يمكن نطلع منك بفايده بس ادخل في صلب الموضوع
قالو الوزير لو دغطنا عليهم في الحياة وغلينا المعيشة مش هيفضوا للسياسه
قالو الريس والله فكرة حكيمه بس محتاجه شوية خطه ودراسة
قالوا يعني مثلا فجر كنيسه واعمل فتنه بين مسلمين ومسيحين وشوية خباسه
وشويه شويه ياريس والناس هتنسى .....
وفجأه جي الرد من فوق وسمعوا صدى صوت بيقول تنسى ايه تنسى ايه دا في رب فوق عمره ماينسى
وفجأة سمعوا صوت برة المجلس سمعوا صوت ناس بتهتف وتنادي
سمعوا ناس بتقول الشعب يريد اسقاط النظام في بلادي
قالو الوزراء يعني ايه ياريس نسيب البلد عشان خاطر شويه عيال عايشه في دورالمناضل
ضحك الريس باستهزاء وقالهم والله دا اللي فاضل
قال نسبها قال اقبضو عالعيال دي واعملولهم قضيه
احبسوهم واضربوهم وعذبوهم شويه
لحد ميعترفو ويقولو من اللي اداهم الحق
يوقفو في وش الحزب الحاكم ويقولو لا واي لا
دي لا في وش الحزب الحاكم الحزب الحاكم يعني حزب الريس
ازاي يقولو بعد العمر دا كلو ان انا مش كويس
في ايييييييييييييييه دنا الريس الريييييييييييييس
جيه الوزير مخضوض بيقوله ياريس الناس عماله تهتف وتزيد في الميدان
سيبهم يغنو شويه كلو هيزهق ويتعب ويروح بيتو ياكل وينام
قالو الوزير ياريس احلق الموضوع من اوله قبل ما يكبر ويعملولك قعدة شاي في جامعة الدول العربية كمان
قال الريس جامعة مين دي اللي يعملو فيها قعدة دحنا بنروح نشرب ولا بنحل ولا بنربط وبنقول في الأخر ان احنا بتوع السلام
نام الريس وصحي لقى الناس في الميدان عمالة تهتف وتزيد من كل اتجاه
خبط الريس دماغه بايده مش مصدق اللي بيحصل ، حلم دا ولا علم الظاهر ان الريس تااااه
المشاركات
ليست هناك تعليقات:
إرسال تعليق